لاتشبه عشكك ابنسمة هوه 

الدنيا خنكة وحلوة للباوعونه

لاذب اللوم بجفوفك وديك

عضلي ذاك الجانوا ايكودونه

جذب الكال الشمع مصدر ضوه 

الفخر كله ابفتحة الرازونة

اشكد حلو اتشوف الكمر بس من بعيد

اتقرب وشوف الحقيقي اشلونه

ولحد ايكلك علي كلش قريب

غرب وشوف الحجي اليحجونه

الظرف ماينطيله سر مو اله بير

 مايبوح أسرارك يشكونه 

 هزت المرة يهزوها عليك

الفنجان ينذل لمن يردونه

ملحك وزادك وضلعك وابن ابوك

كلمن يحوزر تره لماعونه

الكصته تعرك غزر ابزاده ملح

البالتعب جاباها يعتك لونه

فرق بين الشالك ابعينه ضوه

وفرق بين الشالك امن عيونه

طيح يم صاحب يكلك استراح

كبل الصمله يمد العونه

اشما لحت نجمك يرد طبعك تراب

وشما تهب الريح تهده ابحورنه

هيبة الله البشر لكن من يموت

 كلهم اعزازه تره ايدفنونه