اليكدر اعله الزين ومايسوي
منا لباب الحوش ماينطلع بي
……………….
لحت العنب واطيت للمايلوحه
واني ادري بي مو زين حتى ويه روحه
……………….
الزلمه من يحتاج وتمسه ضيجه
من يحضه بالفردوس مايحله ريجه
………………
اتمنه اعاين بي كون ازلمه العوز
ماارضه ابوي يصير ثالثنه حاجوز
……………….
ماعندي بس ماكول جي لنهه تاذيك
عندك واكص مرات من جلدي واطيك
………………..
دليني بالديان مضايج ادريك
شنهي اغله من الروح ارهنهه و اوفيك
………………..
بالك تسدلك باب فك ريجه خطار
يتحنه غبشة وكون يوميه ينزار
………………..
موتاهه يم موتاي مدفونة كلهه
واني امشي كل مصباح ابجي اعله اهلهه
………………..
كبالي وتغرف الماي واني اغرف ذنوب
من كثر ما سبيت موتاهه الغروب
…………………
موش الهوه يكولون بيد الله يهواي
جا نفسي ليش يضيج من تكطع وياي
…………………
تدفعني وارجع ليك وتزتني لهناك
شايل خلك كاروك من جهلي وياك
…………………
اعمه و ولتني النار وانه بصريفة
حشمت والفزاع يمشي اعله كيفه
………………….
اتمنه ابوي يصير كبره بمضيفه
لو قصرت يندار وجهه اعله ظيفه.
