معتز الموسوي
اي وين جنت من امس.
حسيت اعرفك كبل..
يل ما جمعنه الزمن..
تمنيت بيك التقي .
يله ودردلي الفضل..
شنعاتب من الزمن..
خليك يمي نفس..
وخليني ارد لي وره..
ما احبه سن العقل..!
يا خلي اريدك سنه..
من اسنين هذا البلد..
واقع نعيشك فرض..
تنعاد بس ما امل.
بلكذله اتيه ردت!
بترجيه لوليلي..
اغفه اعله حسه ضحك!
واصحه اعله صوت الحجل!
رجعني واخذ العمر..
رد بيه فد كم حزن..
من اتواكح وانهزم،،
وامي التكلهم طفل!
ممشانه صاير عوج.،
تيهنه نص الدرب..
غميضه؟ جان انكضت..
لا لعبة التك الرجل!
رد بيه محد يرد..
عافوني كلهم جزوا..
ما اريد يمشي الوكت..
جربته كلش ممل!
خلينه نهوى بشغف..
و(نتناسه هذا الزمن)..
لو بيه سعاده انتظر..
جا ما ركض بالعجل!
رد بيه لاول نفس..
دللني يمك طفل..
مشطلي شعري صفح..
ربيني بس ع الغزل!
عوضني شيب العلي..
وديني سفره بغفل!..
وافتحلي زر الهدم!!..
ركضني ويه اي طفل!
لهيني باي شي حلو..
طلعتي من الصبح..
وكفني بأصعب درب..
بيه ازدحام اكتفي لمن الفقره تهل..!
ثوب البساطه شعجب..
كدرته كلش رهم..
ليش البشر كرهته؟
جي مستحه وبي خجل
خلينه منهم يزي..
عطشان عطشة ولف
ح اتغاضه عن المضى..
ونعيش بعده الامل……..
