ذبلانة وعلى اخيالي توچيت
ومثل الماي يحبيب تبديت
احس الموت واكف چان بالباب
وچانت تضحك بوجهي التوابيت
بس اسمك بقة ابين الشرايين
خلص دمي واحس من كلشي جفيت
اصفر وجهي صاير مثل صحراء
ماضل كلشي بية وكوة ضليت
حبيبي الخاااطرك ما طلعت الروح
على اعناد المرض ليهسة تانيت
الهوة ميهمني من اختنگ مرات
من انفاسك لان چم نفس ضميت
نمت بفراشي بس الالم ما نام
المغذي دموع نگط لمن ونيت
مينشاف المرض واتمنى ينشاف
واكلة اشمالك انت وياي شديت
بالمستشفى حيرت الاطباء
خذت كل العلاج وما اتشافيت
الدوة ميفيد احس ما ينفع وياي
عليلة ومن شفت وجهك تعافيت
