هيه هاي الوركة مو فصلية وتعيش افصلهه
اشما تكوم الروجة نثية ترد لصلها
يبست عيوني وبعدها الروح خضره
عوفه فانوسك تعال الدنيا گمره
اي يحظي كلها تندلك لچن محد يجيك
بحر گصتي املوحتك عمت عليك
مثل ذاك الما حچه من انوخذ حگه
ولا قبل ياخذ حرام
انه طيف ابعين عاشگ مشتهيني وما ينام
ابقة دوم براسي گاعد
بس تگوم الشيب ميخلي مكان
ما دريت الذكرة فوگ الشجرة تبقه
الذكرة فوگ الجام حلوة
وتنمحي بحفنة مطر
ما دريت الگنطرة احزام النهر
و ما دريت الخاين بطعنة ظهر
وخلگي گدرته اعله گدك
انته و ينك
انه وابياتي التحبهن فاگدينك
اگبالي يا نجمة التلالي تگلي وينك
مدري ليش ابلا عذر صدگته عذرك
وليش الوم الريح انه الخانگني هجرك
من اموتن من عذابك
لا تشوف جنازتي و تبجي عليها
الدمع موت الكحلة ورد طلع جناز بيها
والتكتلك ما بعتني بوكت عازة
يا جنازة التهوه جتفك يا جنازة
چنت اغمض عيوني ردتك بس تجيني
مدري وين تروح يالچنك اسنيني.
