مستعد انطيك من عمري عمر

وكون من عمرك عمر تنطيني 

خلي نتقاسم ولو ثلج وجمر 

انا اطفي شبيك مطفيني 

انا ما شايف بشر شيشة عطر 

شما ينظح ورد تشريني 

الله حطلك شامة في موقع خطر 

خاف ابوسك منها وتجويني 

الا الي حول ولا قوة ولاشعر 

ضاع من عندي الشعر دليني 

وشما اكتبك اغلط باول سطر 

ومدري وين القافية توديني 

انا من اكتب الك ما اختصر 

البيك انا الغيه واشيل البيني 

شختصر وياك يالكلك خصر 

من اشوفه يميل اغمض عيني 

مالي طاقة لشوفتك ومالي صبر 

عمي مو بيدي تره ياذيني 

نغم صوتك نشوة يسكيني خمر 

وضحكتك جنها غزل سبعيني 

من حدر جيدك احب كل الحدر 

ومنحدر بيه الهوى شمدريني 

ياندى الشباج متاني الفجر 

ذبل وردي تعال اسكيني 

والله لو تدري انا شناذر نذر 

جا زعلتي وياي وبعد متحاجيني.