اما آن للسيوف …..
ان ترسم حروف الحب
على الارض
……….
شمعاتي ابحلاة الشوك …
بشفاف الملامة اتموع
وآنه اويه السهر مزروع
اخطن بالدرب تذكار ….
سهمين وكلب مصيوب
وتنطر تهل اطيوف ….
لن طرة الفجر ..
مزنه وتكت حالوب
ولن رمش العيون اسيوف
وتحملت ما كوليش للشامت …
ركد ثوب الصبر وتفرهدت روحي
ولاذليت جلماتي ….
ودرت عيني على امراية أمس
من زادنا جروحي ولافزيت مرعوب وطفح خوفي
يهذا آنه
هذاك آنه
أشيلن زاد عمري ابراحة اجفوفي
ولك يازهرة ايامي…
تعال وزوك الجلمات …
من حمرة شفايفنه
تعال ولاتضيع العرف …
وتضيع سوالفنه
ولك ماجن غرك شوفي ابوسط عينك !!
ولاجن كحلتي مرت على اجفونك !!
ولاجن خلف الماضي …
حرف من ذيج دنيتنه ولياليهه !!!
ولاطرز عشكنه الفات …
تذكار بحواشيهه !!
يشدعي اعليك …
ومن ادعي …
ترد لي دواعي ورد ليهه
يامن عيني تتمناك …
صفصافة محنّه اتخيم اعليهه.
