حبيبي اسنينه الحلوات 

عنيد اسياگهن غالي 

حبيبي وشوگهن بيه ..

مثل فانوسنه ايلالي 

حبيبي يفيض برد الكاع 

اخذني بروحك ادفالي 

حبيبي وترخص الدگات 

كون اترخص الغالي 

تعطشني . تجوعني .تبجيني ..

اظل وياك للتالي

تموتني :  

هلا بهالموت بس كون انت جتالي 

مثل گمرة خدودك ما يجيب الليل..

يمسكر الليالي بگمرة خدودك

يعود گرنفل وجاستك نسمة صيف ..

اهي وين النسايم تلكه من عودك

يناشرهن على المتنين سود اثگال ..

ماتدري شيسون بالبشر سودك

تعال ولفني بزنودك

اشحلات الموت الاكي الموت بزنودك 

يصوباط العشگ يل لام كل عنگود 

انه ادخيلك ضگت من ماي عنگودك 

يحد الصبر وانه شگد عبرت حدود 

ونسيت حدود صبري العبرت حدودك

يفيظ الما يدنك هامته الصاعود ..

كونك ضيعتني يضيع صاعودك.