بالصدفة اعرفت طينتها من يا نوع 

ومشه بوجهي الصفار وبين المكتوب 

وصيح بكلبي كافي استهدي بالرحمن 

بطل ياكلب من العشك متوب 

بضرف اطبكت فوك الرفوف تحوم 

ونساك وخله جرحك فوك ملحه ايلوب 

طبع ليل وجفن طبعك صبح وياي 

مثل طبع السجج ماتنحسب عالدروب 

اكلك يابه بطل كافي بيه تعيل 

ولو بعدك زغير وهم علي محسوب

وغمض والجفن من ينعصر عالعين 

يحبس كل دمع نام بوجه متعوب 

ااا ياكاس كافي الرية ماتهواك 

لو ماليل ماتكبل على المشروب 

ااا ياليل كافي بروح ابوك تروح

مرة خنكة مامرت على المحبوب 

وصرخ هالله هالله كافي مو مليت 

مو شفت الشمس يخنك ضواها اغروب

مو شفت الحمامة تنوح من ايغيب 

راعيها وتظل تتنطر المكتوب 

لمحتك واركضت حد ما عبرت الميل 

مثل ذيج الرسالة الركضتلها كلوب 

من شفت الشفايف تلهف الطاريك 

دريت العين تعشك كل وجه مكلوب 

ومشيت برايي ماماخذ حجي الوهواس 

صفنه اجيبني وصفنة اعلى راسي تحوم 

لو تدري الدمع من يلكه جف يمحي 

ثق حتى الكلب ماتلكه بيه اهموم 

مرات المشانق مو شرط بحبال 

ترا اتشوه الركبة اكلادة المظلوم 

ماتكدر تضم كلشي بوكت تشتاك 

من تعصر اجفوفك يطلع المضموم ….