لا ياروحي
وشل الود سواجي الشوك غطتهن اجروحي
وهاي دنيه …
المايعاشرهه نبع صافي تمله …
ياحسافة اللي صرتله كاع مثل الشمس عله …
مو عجيبة التعب لكن …
ياهضيمة العمر يكضي وياك يكضي بتعب كله ..
ليش واحنه انعيش مرة …..
ليش كل يوم اليمر انذوب بيه مرات مرة …
اتذوب بيه روحك وروحي ….
لايروحي لايروحي …
2….. خواطر من بعيد
انتظر الايام …
والايام مثل السفن …
من ترحل.. ومن ترسي بمواني الانتظار …
وينزرع كلبي ابرمل برد الشواطي ..
غصن يتفتح ابلهفه ….ايدين تشبك ..
حزمه انوار الفرح …
من يلمع امن ابعيد فوك اخدود امواح النهار ….
والغصن يكبر ويكبر …
يعله ويمد عالسواحل .. اشرعه في وخضار ..
وتمشي وتمر سفن الايام …
بمحطات العمر لحظة وداع …
والشمس توكف عالجبال البعيدة …
اتلون الدنيه ابضواها ….
وبينهه وبين الفرح يوكف جدار ….
وبينهه وبين الحزن صمت الجدار …
