كمت اضفر ذكرياتك وغيري اليضفرون شعرك
الرمح حافي اعله نحري وحافية الشفة اعله نحرك
الهوه عذريته راحت جه نفس غربة اعله صدرك
وصلوا لجسمك وعبروا واحجي ما وصلوا لضفرك
تصغر بعيني انته يمهم خفت لتروح من كبرك
ومن رحت طلعت غراضك وفراشك تكبع يدورك
وعقدك السويته باطل يالرحت لازم تعود
غرروك الشاهد الله الله مو ضمن الشهود
جان يسمعني اندعيلك ربي بس رجعليا
هذي شمعه عين عمري المات واحساسه الحيا
ولو جنت ادري بطعنتك والظهر حس بأثرها
من اطك وياك صورة تكتب الذكرى بظهرها
بداخلي مفضوحة روحي عادي لو هجرك شهرها
وهسه وبميدان جرحك روح انته وخالقي
ريحة فراك اعله ثوبك ماكو ياس ورازقي
وعرفت التريده بين وذبلت بشفتك حياتي
من شفت خطوة خيالك فززت كل الفخاتي
ميت وتسالني عنك والناس ميصدكون غادر
كلت ميت جذبوني رغم جان بوجهي جادر
عرضوا بسوكك لجمتي وانته اول شخص بادر.
