لو تضيج الدنيا تفرج

من نگول الله كريم

يُمّه من الباب للكوسر 

فرج.. 

ومن تخنگك عبرة العوز 

وتجوع

اقره قرآن

وتنخّه بيا مُجير 

علموني

أفرش السجادة خمسة

ومن أِلمهَا

اشبع سبعطعش مرّة

وكل سجود بقدرة الله 

ويه الدعه يخضّر رغيف

وما أمد إيدي

وأعف نفسي وأردها

لو نوَتْ زلّة رصيف

علموني

ها حرام

استغفر الله مايجوز

ومايصير

وكلشي غير التقوى 

باطل 

علموني

الحب حرام!

المرأة عورة! 

صوتها

وخلخالهه

وجرّة كحلها وطولها

وديرم الشفّة

ياسلاااااااااام

العلموني ماشفتهم بالحلال!

باليجوز باليصير 

كلشي بعد المتعة باطل ..