صديج الي يودنه مر علينه
أجه ولككه وكتنه مر علينه
مره أنه اليالي مر علينه
يروحي لاتجيسج مهضميه
_________________
ويقول أحد الشعراء في الوقت المزري:
دوم اشبابنه لضيف يومن
اوماتدري بعشانه أتغار يومن
تره الشده على الطيبين يومن
تخلص والنذل مشتوم أبيه
_________________
ويقول الشاعر المرحوم شنته سويف الجابري:
احمدني جي الي معده ولي حال
اوزماني شرك ناصبلي ولي حال
الي خله التسل عني ولي حال
منره زيهم تشب نيران بيه
__________________
ويقول جبار المعارج الناشي لما تمرض طالب الحمدي:
شحط بالدار من ترحل من الدار
يبو حجي اليميزونه من الدار
اكيف علتك بيه من الدار
تحملهه ولا فركاك اليه
______________
ويقول عبيد السعيد
جثير اسنين رافكته ويربه
ونكرني ونكر احساني ويربه
ضعنه جان متوحل ويربه
وصل ماي الشلاه اونكت بيه
________________
ويقول عباس حسن الجابري:
اشمفكر بالوكت يصحه يدلهم
طحت وصحاب مدولي يدلهم
بيوم الضيج مانكر يدلهم
وخاف من الوفه ميصحب بديه
_________________
ويقول ايضا:
سنين الي علي ياخلك مرات
شري حنضل طعمهن حيل مرات
يكولون الوكت يلتفت مرات
ولامرة التفتلي ونصح بيه
______________
ويقول ايضا:
الوكت جمع شكو كل هم وعازم
بكلبي اونيت العندي وعازم
ارد ولكه انه جباره وعازم
عمت عيني صفوا تحت الوطية
________________
ويقول ايضا:
اسل عنكم عمامي دوم ونشد
بسوالفكم اسلي الكلب ونشد
انعت حبكم تميمه ابزند ونشد
يطمن اكلوب يطرد كل ردية________________
يقول عباس حسن الجابري ايضا:
بديت بعنفوان الوكت بحداي
حديث وجفليت الوسن بحداي
الحر ما يبدل الصكر بحداي
البله يحتقد كلهن سويه
________________
ثم يقول ايضا:
يلد ليله بنهار من يلدنه
وعفنه الدار وخل من يلدنه
وهم دمنه ولحمنه من يلدنه
لهم حسره بدليلي للمنية
______________
وثم يقول وهو في ديار الغربة في معسكر رفحاء- في السعودية:
وحق النور والتحريم وضحه
أحن الديريتي بالليل وضحه
سبعه من الأهله جزت وضحه
أعياد اولاتضن أعياد اليه
_______________
ثم يقول في نهار الغربة:
أحن للدار كل حنت بدره
بليل وموحشة اوماهل بدره
الوادم تمت اونامت بدره
ونا بديرة غرب داري خليه
________________
ويقول حاج جاسم ال كشاف الماجدي عندما سافر ابنه الى أمريكا ووفاة وزوجته في ان واحد:
بحور الدمع لودادك لهافاي
عليك بزود ماينكص لها فاي
جنت ساتر على روحي لها فاي
شلت وجثف المستور بيه
