اعله كد اسنين هجرك والسنين اسيوف
ومر بيّ
اعله كد اسنين بعدك حتى اشبع شوف
مر بيّ
ولو بالطيف مهر ابيض
يترهدن بمشية بروضة النسيان
مر بيّ اعله كد الروج الي بشطك
اشيلن مدك وجزرك
جرف تعبان
مر بية خيال انسان
تلكاني
مثل مافاركتني الجيتك بستان
مامات النخل بيه ونشفله السان
تلكاني
وانته بيا وجه الكاك
مراية وجهك انصابت برمح اجفاك
وتشظت عله الحيطان
طشرت العيون عليك ردت الكاك
شفت بكل شضية
الك وجه انسان
كلي بيا وجه الكاك
وانته اتشگگت ورقة وخذاك الريح
مادگيت روحك للوكت نيشان
گلي بيا وجه الكاك
يا ثامن عجيبة
انجمع بيك
الخير و الشر
والمكر والطيب
والحب والكره
والكفر والايمان
والعز ورخص
والفيض والصيهود
والحر والبرد
والشوگ والنسيان
والظن و الصدك
والدمع والبسمات
والمر والحلو
والشوك والريحان
والهم والفرح
والصوغة والشوغات
والفي والشمس
والذيب والانسان
كلي بيا وجه الكاك
دليني اعله روحك حته اشوفك زين
حطني بظلمة اسنينك
ولو نجمة اعله گد اليل
حتى احسبه الك نيشان
وحطني ابحر شوگك
ولو گطرة ماي
هم احسبه الك نيشان
حطني بدمع حزنك دمعة تالي الليل
حتى اتوضى بيهه
وانت
مر اوذان ….
