سولفتج امراية جرف للمشتاك

وحنيتلج صدفة وطفح بيه الكيل

ودزيتلج كل الرسايل بجناح

والدنيا مطرت طاح واتبده الهيل

للاعمه رزنامة ضوه يصير الصوت

كوديني من يتيه شيلمه السيل

وحركيني بالنار الثلج يفكد لون

مثل الوجوه الضلت بمكفه الريل

خل اصحه بيج الطيف ميمر مرتين

وميرد امس لو بالعكس امشي الليل

الثانيه التوكف سجن صورة تصير

اي واليتيه بهيمة بوصلته الخيل

صدكيني كل عاشك وطن بيه يعيش

بس الضباب يسافر وشالة حيل

وبس الشبابيج التعرف العشاك

وشكد كصايب تانن ومات الميل

يامن هويتك والعشك يجزي اللوم

عشك الصحاري للسفر عطش يدوم

عييت انطرك واحكي عنك للنار 

رغم ان عشك المايذل مالو لزوم 

سركيني كيف الريح تسرك دخان

وبروحي اخفكي لحين نوصل لنجوم

وان كان خوفك كلبك امطرك ضي

في كل خبر من غيري شوكك معدوم

حبيت بكدر الهوه الما مسجون 

وف كل طريك يبان وجهك مرسوم

حاجيني لتبردين خل شوكج حار 

حتى النوارس تجفي فصل البارد

وجرحيني جرح الشمعة من تبجي يطيب

ونثريني راحت بال للمتواعد 

الحايط مراية صدى لحبل الصوت 

وماي النهر من يحب يصفن راكد.