الله يسامحك طحنه انه والدمعات 

وابجي بكد حلاتك من يمر طاريك 

مدري شوكت اعوفك والله حرت وياي

اكول انساك وارجع جني ما ناسيك 

خذوك ومادريت بكل اذن يحجوك 

وانه بأذن الاطرش والله ما حاجيك

انه لخاطرك كمت اكره الناعور

لمن شفت دوم الدنيه تفتر بيك 

شنهي لجابرك ي الكاغذ اعله النار

تدري تموت بس مادري شموديك

احوس اليل كله وما يجيني النوم

امنهد مامرني طيفك كاعد متانيك

انتواعد موش نتوادع ردتهه وياك

شجاك اودعتني ورايح برجليك

انطوك لغيرهم صوغة لتحبهم حيل

وانه وداعتك حتى الك مامنطيك

ينخله وجنت يمي شحدهم يصعدوك

اثاريهم خذوك وكنطرة مسويك

يدرونك زرع جا ليش مايرووك

ومامش ماي اذكر ب الدموع ارويك

وترى هيه الصور تسهيل امر مشتاك

واسولف وي صورك جبنه بس طاريك