حسين جبر الدبي
عاجل عاجل عاجل
من اطراف بغداد
أهلنا بالمعامل
مدارسنا مزابل
نسكن بالمزابل
ناكل بالمزابل
خبز يابس وصمون
وينك بان كيمون
تعال قبل الفاصل
عاجل عاجل عاجل
عدنا فلوس
نلعب شاطي باطي
وشباب الشعب
كلها تلم قواطي
لعد وين الملايين؟
انطوها للمساكين
تبرا منكم الدين
أطنان من الذهب
عدنا احتياطي
احسابك من دبش
ياشعب واصل
عاجل عاجل عاجل
نغبش للمساطر
يومية الصبح نكسر الخاطر
ونتاني المقاول
واذا ما اجى المقاول
نتاني تفجير
اتشظى اجسامنا اطير
وتطير ويا الجواكيج ومناجل
عاجل عاجل عاجل
