ليل آفراك ،
والوحشه كبر لذات .
كل شي آيغمض آعيونه ،……
وعلى آوسادة آطيوف آيبات .
وكلبي آبلا آوساده آولا غطه آو لا طيف ،
كلبي آعلى الرفيف آيبات .
صفنة ماي راكد تسهر بعيني ،
وآنسى آشلون آغمض وآنزل بروحي ،
وآتهجه حزنهه وشهكة الرغبات .
ليل آفراك ……
وببريسم الروح آتمشط الصفنات .
ليل آفراك ،
والجمره بلايه آرماد،
وآنت آهناك مثلي آمتيه النيات ،
وآنت آهناك …….
سبحه آمفرطه الخرزات .
جمر مثلي بلايه آرماد،
جمر ، بس بارد آفراشك ،
آوماتدري أعله ياهي آتبات .
شدهة بال ،
وعلى كاغد عتيج آتنكط الحسبات .
حسبه آهنا وحسبه آهناك ،
وحسبه مدري وين آتبات ،
وآنت آهناك مثلي آمتيه النيات .
آوماتدري اعلى ياهي آتبات .
ترف ،يلمدري شنهي البيك ،……
وآنا آكبال عيني وباكني مني ,
ورضيت آنباك ،
متونس ، رضيت آنباك ،
شجاك آتكدر آجروفي بزعل وهواس ؟
تزعلني ويظل بالي عليك ….
وتخدر الصفنات ،
وآكول آنسى ،……
وآطيح آمن آيدي وآتبده ،
ورفيف الشوك ساعه آمعلكه آبكلبي ،
تدك :لا لا .
تكلي آهنا يهالعاشك ولك لا لا .
لا يوكف كلب بستان شوك …..
وتدمع البسمات .
كلب بستان ،
بعد بيه من امس كضبة خضار آوماي ،
بعدبيه للسوالف كسره من افياي ،
في آيفزز الميتين ،
في اخضر ورك مامات ،
خاطيته الشمس ، ما مات .
رفيف آمسودن آبكلبي يدك : لا لا
وآعرك مستحه وآصحه وأكظ روحي ،
ادنج خيط كمريه ولم روحي ،
وآجيك آمغبش ،آمنده بعرك كصتي ،
وآطيح آكبالك آمرايات .
