بقينه اثنينه بحيره
كلب واحد
نفس واحد
حلم واحد
بس كل واحد بديره
يوين وليش بعدونه
يغير احضانك شعندي
بقت بس شعره من عندك
لهسة مجلبه بزندي
يعشره ريشه والقران
ظلت غافيه بسدي
بدت بجفاك تتكاثر
لحد ماصارت بكدي
لهسه سوالفك رطبه
تفيض بعيني وتندي
احن واشتاكلك وسهر
وتشتاك وتحن ليه
يرفكه شيب والحنه
نفس ومصاحب الريه
يجره حبل بانفاسي
يطلعوك وترد بيه
ينومة زلفك المايل
طفل وتحضنه ترجيه
واذا شالوك من عيني
واذا ماجيسك وتنطخ
انه عندي كلب يشتاك
لو مدفون بالبرزخ
الم سوالفك بيه
وطلع صورتك واسهر
وافركهن تصاويرك
يطشن راسقي وعنبر
خذوك وادري باليبعد
يبين بالنظر اصغر
يمدري منين ما عاين
اشوفك جايني وتكبر
الك بيه خللك برنو
تثور بزود راعيهة
شكثر فرسان رادوهه
ولا مجيوس سركيهه
يكرسي ولايتك هيبه
حكومة حبك تخبل
فلا تتوقع انطيه
