عيش بسعادة و كل همومك تنزاح
التمر صح عالي و يلوحة الفلاح
و اضحك لحد ما عظم وجهك ينشاف
و انسى الأحزان و اخذ دور المرتاح
سافر و خل نظراتك تصير متاع
عين السمه كل ساعة عابرهه جناح
و اغزف لحد ما يلزگ بحلكك ناي
تظل تحچي انته برهدنه و موش صياح
سوي بخيالك انته للدودة شراع
و انسى المضن و الراح ويه أهل الراح
و اصبر لحد ما منك تمل الروح
الفرج مستسلم يجي اويه المفتاح
و اذبح ضحكتك من يمر طيف أحزان
و خلي الدموع يطيحن اويه أهل الطاح
و من تمشي خل تفوح ريحة الأخلاق
منك و خل تصير ريحة قداح
و من تمشي خل اجدامك تصير اخفاف
حت لا تفزز جار نايم مرتاح
و متّع اذانك بالطرب مال الهور
يلّي طربهم چنة طلّة مصباح
عبّر إحساسك عن طريق البسمات
انته بشر بس أخذ دور المرواح
و هذّب اجدامك لا تدوس آعلة النار
تخنگ جگارة و ما تحصل شي راح
تكبر بعين الماي من تحفر بير
و بعين نخلة لو تساعد فلاح
و لتصير عاگوله بحديقة الورود
كلشي قريب و كلشي يمك يلاح
