فضيته العشك وياك روح ابعيد

ما جنك هذاك البالعمر سمته

يالنايم رغد بس اني جبت الليل

دمع عيوني كله اعليك وشلته

تغدر بيه ليش وانه ماغلطان

ضحكك هذا كله اجفوفي شاتلته

عليه ابروحتك تهتز اجفوف اهواي

 والمايسوه من امشيت ضحكته

انه بصدري الجمر من كلبي يطلع نار

اثر عطاب اخلي ابخده لو بسته

جنت اضحك ضحك بس هسه لا ياحيف

بجيت وبجي المثكلات فحطته

جنت اسوالفي اضحك بيك يم الناس 

وهسه من البواجي الجار شيلته

ليلي الي يمرني ايكضي بس مشتاگ

الليل المايمر بي وجهك اكرهته 

غصن جنت اعله جيتك بي اشكد انذور

بخريف اسوالفك كل عمري طيحته