هذا انه العراقي معاند الموت
الصدگ بيه ميت هذا مخدوع
بعدهي حجايتي تغير الموازين
طغه صوت الرصاص وصوتي مسموع
بالتاريخ ماحط اله التعيش
بعدني بقمة الثورات مرفوع
تحت ثورة شبابي تخلي خطين
اذا تفتح عن الثورات موضوع
ثائر للوطن مو للملذات
عن مبدأ ثرت ماثرت عن جوع
ماجفت الغيرة شگد حصارات
مرت وانتهت ظليت ينبوع
عراقية ثورتي من المعاناة
ومن دمي الشريف اعلاني مدفوع
اسكت عالوجع واتغاظه عالضيم
بس ما اسكت اعالوطن موجوع
وطن عالخارطة بس شكله موجود
بس عالگاع للجيران مبيوع
وحگ گلب امهاتي الدومه مشلوع
وحگ كل عمر شاب تحول شموع
هذا الوطن يرجع رأيه وتراب
ومن تابع يرد قائد ومتبوع
هذا الجيل ماعنده انتماءات
غير الوطن مامتبني مشروع
يسقط كل مقدس جان جوعان
ويعيش العراق بشعبه مرفوع
