زيح كلشي يخوفك عوف الحياء
واضفر اجذور الثبات اعلة القيم
وثور لهبة تحرگ الماعندة ساس
ونكت ابروحك مثل رفت العلم
هيه چم عباس يرادلها هاي
وشوية وكفت كافل گبال الخيم
وهيه ثورة ولازم نحطلها لون
ولوحة الثوار لازم بيها دم
اثبت انتة وحيل يتلاوة ويه حيل
الخيل ينغر من تشد حبل اللجم
وصير صرخة تزلزل ابيوت الطغاة
والي عندة اتباع سواهم غنم
ونتة ارفع شانك ابگد العراق
وكبر ابعين اليذمك بالقمم
ذولي باعو (علي)!لا..مابايعوه
ذولة يم الي يذموهم خدم
