مهدي عبود السوداني
انه من اتخيلج ارجع شباب
مثل مابعيوني اشوفج شابه
كلبي حب بس جنه اول مره حاب
وانتي جنج هم كبل ماحابه
ارجعنه ليام الصبا وفكينه باب
اشبكنه جمرات الاشواك اللاهبه
صح خذانه الشيب وسنين العذاب
بس نفسنه امن الهوى ماطايبه
وصح شمسنه بقهر مالت عالغياب
بس محبتنه شمس ما غايبه
كلوبنه تلهب احر من شمس اب
ومن لهيب الشوك والحب ذايبه
وارواحنا خضره وثمر بيها واعناب
وكاعها ابحيل البجر ماتاعبه
اشعلي باللي ايكلي شايب راسه شاب
ولايهمج باليكلج شايبه
الشعر اسود بس و كتنه اصبح ضباب
وبيده فضض شعر ولد الخايبه
العاجبه خل ينعجب حد الاعجاب
وخل يولي الينقد وماعاجبه
هوه لو بعيوني شافج مني تاب
ويعدل ويعذرني وايكض شاربه
ولايحاسب عاليحب وبشوك ذاب
تالي من ايحب ضميره ايحاسبه
انه لابوك لاصنف الارهاب
وانتي هم لابايكه ولاناهبه
وابد ماهو صاحبي الماكلبه حاب
لو ابوحده ايضل ابد ماصاحبه
الله انزل عالنبي الحب ابكتاب
بصدر كل اياته ربنا الكاتبه
