طالب الدراجي
محتار حيرة دمع
واكف بحد الجفن
ايردة جف الصبر
وايدفعه جف الحزن
مابين منك تبت
ومابين كلب اليحن
بحرك فلا ينحزر
داخت بكلبي السفن
مرات اشوفك سمه
ومرات اشوفك سجن
اي صدك جفك ترف
بس كلبك اشكد خشن
يا بويه لوكاسرت من جفك الكلبك
جا صرت كلك حلو مايندم الحبك
عذبني ولك ياحلو خيط المرورة البيك
اعتب عليمن بعد وياهو الذي ايحليك
مادام الخالقك من هالصفه ناسيك
يمكن ابخصرك بده والتهه ايخصر بيك
ويمكن ردت تنكطع من كثر ما شد بيك
