سمير صبيح
انه همومي جهالي وترضع ادموع
اكضي الليل الولي ومايهيدون
اغفي بهاذ يكعد ذاك ويلوع
ويفزون عله صوته وماينامون
الكبر منهم فطمته وياكل اضلوع
شسوي اشلون لوكلهم يكبرون
جنح بيه انكسر والثاني مخلوع
وطرت كوه عله اعناد اليكرهون
بس اسمك نهر والماي مكطوع
وانه اعله الجرف الهث بالعيون
اون بسكوت موش بصوت مسموع
وانه جروحي علج والوادم سنون
من عركه الفرح من عندي مشلوع
وشتل حزنه الزمان ابنص العيون
عشت زغري بيتم ومكمط ابجوع
ورضعت الضيم من دون اليرضعون
يمرني العيد وانه بثوب مركوع
وعيديتي جرح عكس اليعيدون
وتمنيت الوكن لويرجع ارجوع
انه مسودن واريدا يرجع الكون
بعده اخضر عشكنه وتوه مزروع
اجو ربعي ابمناجلهم يحصدون
يونس زين عمي ابحوت مبلوع
انه بحلك الشماته المايرحمون
