عليمن حابني وجهك ترسته اصياااح
ماخليتلك حرمة وعشكتك ليل
عايش حته تطلع روحك وترتاح
ليش اخدود صبخه.. وجفن كله اصخام
جان يروح فدوه الخدك التفاح
حسدونا ونسيت شلون لونك جان
ما اتذكرك بس من اشم قداح
موكد مو حضن ماشفت مثلك كيظ
ما خيبت ظنهم من جحيلك طاح
حس بقيمتك مابين هذا وذاك
غافلني الصبح بين الورد وارتاح
كلمالك وتذبل والعتب مرفوع
ليش الفات مات وراح
وال (الله كريم) هوااااي
والوكفات منسيه
من زود العشك لو من صلافة عين باقي ومستعز بيه
اليغلط مره مو مرتين واني وياك نغلط ليش يوميه؟
طلع سري من البير
بعدلك حضن واحد والمسيح تصير
من نرتاح ننسه شلون راح نحير
من تنشلع مني وياخذك بطران
مايعرف بشعرك جم كصيبه يصير
ولا منتبه جم ذره هوه باليوم تتنفس
من اندار ما الكاااك لو الكاك وجهك من كفاك اتعس
من تنشف عيوني وجوه … واظل بجفن كلمن شافك اتلمس
من اكعد واحس احساس ماينحس
من اشتاكلك والكاك صوره وبس
…
وانت تكول :
ليش انتوب ؟
ما اذينه واحد و (الله) رب اكلوب
راح اتلم علينا الشوك وتعيشنا ماضينه
لتعاين علي مادام عينك سود ماراح الله يهدينه
