ثائر الخزعلي
على بيت الشعر واكف تدك الباب..
صار اسنين واكف شنهي ماطبيت..
شفتك حاولت تشلبه عالحيطان..
لان جي. ايست ما فاد من دكيت ..
وفرض بالغلط يعني وفتحت الباب..
ولك شسوي كلي وحتى لو طبيت..
اذا محد يعرفك وانته ما معروف ..
تضل بالبيت كاعد وانته مو بالبيت..
صار اسنين تقرأ. وانته ما مقروء..
ولوحتى بجذب بصمه الك ماخليت..
وصار اسنسن تسمع وانته طا مسموع..
وصار اسنين تركض عالفضائيات..
يردونك وترجع شنهي ما مليت..
وضربلك مثال الريح وي الباب..
سد باب الشعر بالريح ريشه انته..
وعلى بوك الصور ماتقبل الحيطان..
وضل بسمار باقي وعفته ما بكته..
اعرفك ماتبوكه وحاسب الف حساب..
يفضحك بالشعر ولهالسبب عفته..
شوكت تكتب جديد الخاطر العباس..
اذا شيطانك اثول ليس ورطته..
لا تكتب شعر ياخي مامجبور..
الشعر لهل الشعر متكلي لزكه انته..
