حامد الشمري
امس مريت بصفحتك
جنهه مهجوره صفحتك
وين حبنه وين كل ذاك الغزل..
وين مختار الشعارات الجديده
خل يكلي من شلت من صدرك انه . ياهو البصدرك نزل
اني اطلب…
خل يسددني لهفتي البيهه اجيلك
خل يسددني دمعتي من اشتكيلك
ناسي الاتركهه لجلك
حتى اسمعك كلمه حلوه . ومضه حلوه
بيهه اشد يلرحت حيلك
مخفي جنت ادخل هواك
وجرس ماادك خاف لاتجفل عيونك
من تجي ماسلم اصلا
تطلع المشتاقلك كبل الشلونك
خمس ساعات اكعد وياك من اعوفك للبجي
تنشد حزمنه وكلمن يحضر متاعه
واني وانته وي ذيج امنه الحنينه
ياهو كاعد بينه ساعه
اذا ننشر جمله حلوه
نخاف من الغيره جنه
بهاجس الغيره نتشارك
هذا منهو الهيج علق
وليش هيج اترد عليهه
مانرد كمنه اعلى صاحب
خاف وياك انتعارك
