الحقيقة / خاص – الجزء الثاني
ارسل ابو معيشي الى الملا صالح الحثيل البيت التالي بمناسبة عودة الشاعر حمدي الحمدي من العلاج
كريم الله ويعّودعلـــــــي وحشاه
امنّزه من حجي الميلات وحشاه
عكب حمدي يصالح علي وحشاه
مدينتنه ومجالسنه سويــــه
(عند دخول حمدي الحمدي الى المستشفى ومنعو ابو معيشي من زيارته)
عسى دهري المشيبني شباهم
امنعوني عن وصل حمدي شباهم
عساهم نار من هبهب شباهم
طبيب السوك واصحابه سويه
كلوب اعدلي ما طهرآ وسبعان
اليالي امظن ظواري النة وسبعان
سنة الف وثلث ماية وسبعان
بصفر يوم الدهر شب نار بية
ايكول ابو معيشي
لون تنفيني يامدلول من فاك
ربط حبل الموده احشاي من فاك
ابي رشفه يساهي العين من فاك
تفوق على الرحيق العـذب ميه
ايكول ابو معيشي
حزني عليك مايبطل وناحاي
اسب اللامني بودك وناحاي
تبات الناس مستره وناحـاي
ليلي والنجـم يشهد عليه
ايكول ابو معيشي
بطيت اشعطلك بالوعد مايت
عليك ادموع عيني اتسيل مايت
اجروح الي بكَلبي عدد مايت
عليك ولا تكَول اصـار بيــه
فرد عليه ابو معيشي قائلا”
رماني الدهر وانصبلي بجالاي
وكلمن ينظر الحالي بجالاي
أنجان انته اصبحت شجره بجالاي
انه جالي وملط الروح بيـــه
الشاعر ثامر حموده مزيعل يخاطب ابو معيشي
رماني الدهر وانصبلي بجالاي
وكلمن ينظر لحالي بجالاي
صرت شجرة يبو معيشي بجالاي
يهزني الريح من يكبل عليــه
أرسل ابو معيشي هذا البيت للشاعر
زماني بنار من هبب ويانه
ولا واحد وصل حينا ويانه
ردت يهلال كون اتون ويانه
انا وسعود من ننصب عزيه
فرد عليه الشاعر هلال قائلا”
امنعوا عنكم جميع البيض شلهم
يبو معيشي عساهم مرض شلهم
طلبت الله لعد برهوت شلهم
ويعذبهم عذاب الـــــــــــجاهليه
فأجابه أبو معيشي قائلا”
امنعوا عني جميع البيض ويلات
ولا منهم كلب يهلال ويلات
عسى الشمات كون بنـار ويلات
وتظل اسنين دوم اللهم سـريه
هلال حسن ال وهيب خاطبا” ابو معيشي
ليالي الفرح فاتني وعادن
يبو معيشي سكنت جنتة وعادن
المصايب مايهمني وعادن
احاربهن لمـن تدنـه المنيــــــــه
ايكول ابو معيشي
همت وهموم البكلبي كفني
ميّت كوم غسّلني كفني
صديج الجنت اكفلنه كفلني
ولذت بالجانو يلوذون بيه
فأجابهم أبو معيشي رداً على حمدي الحمدي
حرت شكتب لكم يحباب شملاي
وغدت ما توصّل اليمناي شملاي
معاكم لو رفك بالسير شملاي
يحمدي أوّل شبابي يعود اليه
فأجاب الشاعر حمدي الحمدي
الدهر من يوم فركَانه شملنه
جزانه وجنّه ما يدري شملنه
النوايب شتتن منه شملنه
بعزر بعض وبعض حدر الوطيه
وقال أبو معيشي
تهيم الروح عيب أدري شملهه
تون ولا فرح ساعه شملهه
مته يلتم بعد فركَه شملهه
وتعود ايامنه الحوه الزهيه
(فأجاب حمدي الحمدي عليه)
البايج مايفيده الجرخ والحد
اله تفصال نوم الكبر والحد
اسف خلف الاسود البوم والحد
سكنت بالخرابه وتون هيه
أرسل الشاعر الحاج ياسين العبادي بيتاً إلى الشاعر حمدي الحمدي:
نحد سيوفنه وبايج حداها
وسبكت طير المبركَع حداها
البل موش حاديها حداها
حقود ويطلب الثارات بيه
مثل مكر النسه على الرجل يدهن
المصايب لولفن للحيد يدهن
وحك الزاجيات وشرف يدهن
يذلن كل شخص بيه الحميه
امحير جني البومه ولحدي
اصبحت لا اسوكن ابزملي ولحدي
يعل متوسد بكبري ولحدي
اشوه ولا يمر شامت عليه
ولا مزنه اشبهت دمعي ولا راي
ابد ماتم فكر عندي ولاراي
فديت العين والجبده ولاراي
هيجي انه العلي واجب عليه
عنهن عيب اروح ابعيد ويلاي
ولو كلبي بهواهن نار ويلاي
يصالح لو لفاني الموت ويلاي
انت والبيض دك ولطم عليه
المرحوم الشاعر ابو معيشي
الغيري استاد خف الجدم وناس
ماساعه كعد وياي وناس
مثل اللي حطبهه احجار وناس
هيجي النه كلب ناره سريه
المرحوم الشاعر ابو معيشي
يخي منهاب مدفعهن وكلهن
هواهن حمس اجلا نه وكلهن
ماتكدر تبار حهن وكلهن
لبو معيشي اعتنن جيمن عزيه
المرحوم الشاعر ابو معيشي
ثبت يسعود وي البيض ودنه
وحك اللي كرب كوسين وادنه
ان متت مغرم ابحضن البيض ودنه
تفوز وتحسب الجنه الهويه
اظن هاوي عذاب الروح وداك
ياهو المرسلك للبيض وداك
ماينبت يحجي سعود وداك
معاهن تنغلب وتعم عليه
حادي البل سمع وني وردهم
جفوني اللي يحب كلبي وردهم
صار العرب يمعيجل وردهم
من دمعي اليكت فوك الوطيه
المصايب نحلتلي الحيل واراك
وحك من خالج النيران واراك
بعد يوم الحشر وحساب وراك
والاعظم سنسله ام سبعين اذيه
عليك وهملت اعيوني وساليت
يهاشم ناشد العالم وساليت
حسب ظنك نسيت انه وساليت
وراسك بالوسن تطري عليه
ولا صحلك صديج ارشدك ودلاك
ابجليب اظلم تذب ارشاك ودلاك
ولاكلمن توده صار ودلاك
ابكلبه ولا صفتله اوياك نيه
ولا صحلك صديج ارشدك ودلاك
ابجليب اظلم تذب ارشاك ودلاك
ولاكلمن توده صار ودلاك
ابكلبه ولا صفتله اوياك نيه
عليه اوحرمت عيني وسنهه
زماني جرد اسيوفه وسنهه
وحك اللي فرض خمسه وسنهه
بعد هيهات عيش ايصير اليه
وقال أبو معيشي عندما احترق بيته مخاطباً الحاج سعود
يوم اكشر يحجي سعود يوماي
همت ما عاد اوجد ارض يوماي
هذا يصيح ذاك يهدم يوماي
الهلاهل للفزع تلحك عليّه
وهذه مقتطفات من ابوذيات ابو معيشي
بخدر واصعد عليهن ساف من ساف
لهه يمة محمّد عين منساف
لهه جعود فوك المتن منساف
لهه منحر يوسدني المنيه
