امــجــد الــدراجـــي
اذكر من جنت وياك
متخليني اتلفت
واصد لواحدبنظره
ملائكه الجتف ملت
ولالمحت خطف عيني
ولاشافتني لو مره
هسه بغيبتك حسيت
وجهي انطبع عالجتفين
من اليمنه لليسره
انه محتاجتك لكفاي
ردلي وحطلي جسمك سد
ترا عيون البشر مجره
مشو ويانه ناس اعصاب
ماعدهم العيب والعن الشيطان
اليشتم مفخره لعمره
قسمهم جان بالتجنيد
احلف تكره اهل البيت
اي كلهم ودك صدره
حطو للجنود عيون
نستني الحسين شلون
شكله وضحكته وصبره
يبلكت عايشه العذراء
وتهز الرمح بس خاف
راسه يطيح مو تمره
لو رمحك غصن طك بي
جاشلت الضعن بجناح
اصب يم راسك العبره
مشوني بدرب بالليل
لو تمشي الشمس وياي
قبلي تصادف العثره
….
يالوجهك ملاه الدم
يا ال بس على الوضو معلم ؟
ترا مو هذا الأتمناه
ردني لوكت نظراتك
اذا تلمحني بعيونك
احس شني الخجل معناه
ردني لوكت لو شفتك
اصيرلك كفى مرايه
استحي بلحظات الملاكاه
انه على النجم مغتاظه
شعجب ماكال ماموجد
مو انته الكمر لو لااا
مضى بيه العمر والشام
رادت توصل لكبري
روح لحيدر اتنخاه
كله بنيتك تكلك
تعال ادفني هم سكته
مثل مادافن الزهراا
رسيني اعله بر مو طف
ترا انته بداعتي محلف
شحصل من المتاناااا
قبل مااشوفك مكطع ؟
يجيني الخبر متكطع
كتلناه .بعده طيحنااا
وافتش بالحجي اليوصل
يبلكت بين كلمه الكاك
اسكت الكال موتناااا
بس من عدت الليله
عرفت ماترد والنوب
قضى فركاك صليناه
