ايهاب المالكي
جم سنة وانساك وتموت
القصايد جم سنة
جم سنة متاني خيالك
من ورى القضبان يبعد .. جم سنة
جم سنة وكلبي مثل شجرة وفة
ويهزهه شوك ولنته يمي
ولانه اشوفك
ادري واقع حال بعدك صار عني
مارضت روحي العمر تكضي بدونك
حتى جلمات الشعر ماتهوة غيرك
ليك تاخذني رغم تعرف مصيرك
هذا حالي وهاي مرت جم سنة
جم سنة كلي ..
عسى بروحي بعد … بيهه صبر
كلي تسع سنين
عشر سنين . صدكني انتظر
روحي ملت كل مواعيك هذيج
وانه هم جم دوب ادورلك عذر
ياحقيقة تحولت بيدي خيال
وحب طفولة وباكت سنين الزغر
انته …
يلكل ذنبك احلامك جبيرة
اكبر من الدنية هاي
انه راسم حلم البعمري علكدك
يا هومثلك ؟؟احلى منك ؟؟
ياحبيبي ودنيتي ولذة هواي
هواي دورتك … بمن غيري لكاك
هناك يم المدرسة وشارعنا ذاك
وعلكتلك كل كتر منهم قصيدة
وكل قصيدة حروف تبجي بدم عليك
12 عام ودفترك
زنزانتك تدري بهوانه
وتدري بيك اشكد جنت مشتاكلي
وردة
مثل وردة جنت والسجن نار
وروحك الترفة الظلم يطلبهه ثار
موت بيه تعيش الك روحي مزار
ياحبيبي يلوكلك لون النهار
انته ياجلمة وطن كلهه مشاعر
وانته ياطلسم بقيت بروح شاعر
دور القاموس كله ومالكاك
ومن وصل حلهه لكه اسمك بالمكابر
