ياسر الابراهيمي
بيه دمعه وبيه حسره
وبيه روحيه من اذكرك
انتفض كلي واسولف نفس گاطع
انته وين وانه ضايع
انته وين بيوم يتمني الهوه بنسمة خريف
مٓر على ورودي واخذ عافيتي گوه
بكل صلافه
وماكسر گلبه النده ودمع الترافه
وانه وي سچة صفنتي !!
امشي ليل بلا شوارع
يامسيت العافيه بواهس حميد
مرلي لبسلي الضحك ثوب الجديد
مرلي لبسني التواضع
گاعك ابالي اعله اسمك
ذكره واحلام وسنين
وكلشي زارع !!
وانه ادري بگاعي بور
ابالك وصارت مواضع
ياحلم طشر حياتي وكلشي ضايع
صرت ادور ..
وين دلالي احس من صدري واگع
وصرت ادور
بلكي الگه بدفترك مفردة راجع
وانه كل عقلي..؟
صرت ارسم وجه حسبالي واقع
وهاي ليله وبعد ليله
وانه كل غبشة صبح شريت ردني
ايصبح من دموعي ناگع
او ودعيت الضحكه بشفاف اليتامه
ومن يجيني الليل اناغي ويا المخده
وآه يادمعي من اهده
ايبعثر المضموم ويهيج المواجع
