همام طلال
رسالة لكلمن يفجر ابكاعي يريد ..
جانت حجتك المحتل يجوز اقنع
وماظلت حجج طلعوا المحتلين ..
عبوة المن .. لولد ولايتك تزرع
ما اقبل بعد بالوطن اي تفجير..
وذيج الساعة احذرك جندي اتطوع
حليب امي الرضعتة بي طعم بارود ..
على حكي امنفوتن اخذة مربع
وكت الضيج ولد الملحة معروفين ..
جيش ويهد حيل الكون من يفزع
مو آنه الملثم آنه حامي البيت ..
أنه دلة ومضيف وسالفة مرجع
أنه عشت بوجه ناصع بياضة وشوف..
ابنص ظلمة افكارك وجهي ظل يلمع
موذنبي اذا ماتعرف انت تعيش ..
عقلك بي خلل أمنت باليزرع
وأسف زرعوا براسك لعنة التفجير..
بزرعك ثمر غير الموت مايطلع
دم شارب بصغرك هيج تهوه الموت..
ترست المكبرة انت شوكت تشبع
ابركبة من خطية ام طفلها يطيح ..
اكبال عيونها وتشوفة يتكطع
اهي تبجي عليه والدمع يسكي الكاع ..
ثق جانت تخضّر زلم من تدمع
بعدها الغيرة بينة نهر ثالث شوف ..
من العباس اساس النهر والمنبع
أنه بجدامي راح اسحك على الأرهاب ..
واهدم اوكارهم والماسمع يسمع
