عمار التميمي
باجر يختنك آخر نفس بالكاع….
و يلبس ريحة الميت شذى النعناع..
باجر ياحبيبي…وداع
يتراوالي كل غروب بلا وجهك حمل دنيه…..
وتراولي الفجر طشر خرز كل كمره نجمات ابدربنه السبح سوالف……
واشوفن جفني يرجف من وصل طارش لجفنك بيه دمع خايف…..
واشوفن كل ورد فواح ما متلذذ ابعطره……
عجب صوفر ورك شجرة اسامينه الكبل خضره…
كلشي بروحشنه انحس بيه ذبل غفله…
حجينه وكل خواطرنه و نحس الماي..هم يذبل
حته أحلامنه ابنص لون…
تصنعناهه..
مو خاف الدروا يحجون
تلوج عيونه بكل صوره نلكاهه
نشبعهه شبك بس..لا..
من المفروض ننساهه
وحته كلوبنه المفروض..بعد ما نحجي وياهه
نسحب روحنه دخان من فانوس…
و نعوف الضوه للغير…
ونتهده ابعمرنه الجاي……..
أخاف ابخطوه من ذاك الزمان اندوس…
و نودع كل هواجسنه عله معبر ليل…
ذاك الصوب..
كالوا بيه عقل…ملموس
و نتمدد عله كد الغطا العدنه..
انت بعيد..
وآنه بعيد…
ما نحتاج واحد يجي يباعدنه..
