محمد فلاح
شد عصابة امك فوك الزنود وعلم سويها غتره والدك هاي
هد شاجور كصتك عاليضدوك مثل هدة شراع امعاند الماي
عراقي انته وعرفتك ماتطخ راس واحدكم ابعين الداعش اهواي
العراق ابشاربك ياابن الاحزان واعرفك زين وكت الشده وفاي
برجلك دوسهم لاترحم اعداك وانته ابن الذي مادور افياي
انته ابن المجالس والرواديد انته ابن الذي امعزب هوى الجاي
ماكلك مذاهب لاديانات شيل انته العراق بجعبتك راي
شيعي اتصير سني صابئي اتصير المهم حامي العراق بعين حماي
بلغو القاعده الهبو تره اليوث دربهم علي بخيبر على الراي
قاد اجيوشكم عباس وحسين والحمزة الوكف عالتفكه رماي
