المقاتل علي مشكور
انه الضايك المضغة البيهة بارود
من المهد وايام الطفولة
انه ابن الغانمة وابن الاجاويد
من اسولف بالعشاير والحمولة
من اهد جيلة السواتر ترتجف خوف
اصيل وماتنازل عالاكولة
هسة يهزني داعش لو التنضيم ؟
وحكك مايظل هوه وفلولة
الجيش العراقي شاد احزام
منو يكلك يهزوني هذولة
خاف شكم بلد يدعمكم افلوس
وتلعب كمت بالصحراء جولة
اسوي اوكاركم نيران ورماد
واخلي الجندي يتمشة عله طولة
هيبة ومرجلة والعلم مرفوع
واعلمكم شنو معنى الرجولة
اكص اجفوفكم بس ترتفع فوك
بس الجيش تبقى ايدة طولة
اخلي اجسادكم طشار عالكاع
مطر نيساني اخلي الدم هطولة
مملوحة المنية بحضرت الجيش
شحلات الي يموت عالبطولة
العراق الغالي مارخصتة فد يوم
ولا دنكت للذل والعمولة
اصول ومايهمني القال والقيل
والعندة فضول يظم فضولة
العندة قضية بدعم الارهاب
خل يشوفلة من كاعة جولة
