أه يعرسي الصار لوخ بلوخي ماتعرف أفروخها من أفروخي
أه يعرسي الماشفت مثله عرس
لافرح كلبــي ولا الغيري ونــــس
من جهبت البيت شفته منـترس
أفروخ واحدهم ملج ممســوخي
**********
أمنيـن ذوله كالوا أفروخ العــــروس
أويمهم أفروخي ولاواحد يــــحوس
كلت لبني أشبيكم مهبطين روس
كلي شوف أبوجهي جم شرموخي
**********
رحت من عــدهم لعـد بــت الحلال
أشرح ألها مصيبتي وأشجي الحال
أتكلـــي أسكت ولدي رابين أبدلال
أتريـــد واحدهم يظل أيـــــــخوخي
**********
كلت لا ماريــــدش أنا ألهم خوه
أفروخي وفروخج أريـدنهم سوه
صرت ذيج الليله أيجبنــي الهوه
من حجيها خضخضت يافوخــي
**********
خضخضت راسي أوكل مخي لعب
وبزمانــي ماشفت هيجـــي تعب
من صريخ أفروخها كلبي أنشعب
أمـدنج أودكهم على صلبوخـــي
**********
مومشي يمشـــون ممشاهم حجل
أويـــدج واحـــــدهم مثل دج العجل
كمت أســـــوي ريل من ورك الفجل
أوشوك سجتي أوكشربيض أجروخي
**********
أويمي أفروخي بكوا يــتصارخون
موتة أمهم صارت أعليهم أتـهون
الله أيــــجرم ردت يـتــــدللــون
أوياكلون أبمشمشي وبخوخي
********
أبواسطة مرتي الجديده حسبت
أفروخي تفرح وأنا بيها أتونســت
تالـي صار حسابي ليلي مانمت
ألعب أويا أفـــروخها تنــبوخــــي
**********
تالــــي أتنبخ هاصفت تاليتـــي
وأنا وفروخي أنحرم من بيتــــي
جني أشوفن يهلسون ألحيتي
أفروخها أوتالي أيتكشع كوخي
**********
حسبت أخذمره أوبيتـــي عمار
أيصير واتونس أويحسدني الجار
ماحسبت أتجيبــلي درنك أزغار
أوياكلون أبنيـــي وأبمطبوخـــي
**********
أمن أرداحاجيــــهم علي أمهم أتزير
أنخلـــس لوتحجـــــي أوياي أواحير
طــولج أشـــمحلاه جن طول البعير
أشوي يبعد أمي أعلى كيفج نوخي
**********
بالدهر ماظل وكت يــــــنحب بعد
أشجم نزل عالي أوجم نازل صعد
أه يوعدي الما شـــفت مثله وعد
بدل أحتات الزمان أبـــــجوخــــي
**********
لابكعده أرتاح كلبـــــي أولامنام
أولاعلي نغرت عشيره أولاعمام
أتوفكت تالـــــي العمر بربالـيتام
يبني جابلني أوندك أصلوخــــي
