محمد الصادق
شخبارج بعد وشلونج ويه الليل
لكيتيلج حظن لو نمتي بردانه
عكب حظنج جذب بلنوم متهنيت
عجيبه شلون نمتي بساع بحظانه
واحجيلي بعد بليل متفزين
معقوله اعلى بالج ماخطرت انه
وعيونج بقت مثلي تصب دموع
لو بوسة عشك خلتها خدرانه
بقيت لوحدي انه ونام حتى الليل
وانتي وياه والشيطان سهرانه
هوى غيري صدك عود انتي تشتمين
هوى الله بغيابج حيل اذانه
معقوله نسيتي وياي احله ايام
نسيتي شلون جنتي وياي ولهانه
نسيتي شلون جنه انطير فوك الغيم
ويحسدونه لان ماوصلو سمانه
بمكاني شلون خليتي الغريب ينام
اليه شكد سوالف غافيه هنانه
وجهج هذا بس وين البراءه البي
وجهج حيل هسه اتغيرت الوانه
زرعتج جن ورد بس هوه موفلاح
شي عادي من اشوفج بيده ذبلانه
صرتي اشكال انتي وصار عندج مال
لاكن للاسف ماصرتي انسانه
اعتب علزمن موبيج اذب الصوج
علي بس بلمصايب سرفن ردانه
حاجاني الحزن من صغري حد الشيب
وزعلان الفرح مايوم حاجانه
على اهل الدغش هلدنيه راحة بال
وراحة موت للوافاها دنيانه
