علاء محمد جعفر
حط عينك ابعين الموت تفاك
وراك ارجال من ترمش يثورون
شربو غيرتك من جاسك الغيظ
وصعدو على السرف كامو يهوسون
من صيت الوطن تنهاب الارجال
اذاً ولدك الــ ثارك مايسكتون
ثأرك لو غرك شيخلص الماي
الجرف والروج منهم مايخلصون
حطهم ياوطن بعيونك وشوف
وعلى اصعب مواقف صد الاعيون
ولدك غيره بيهم غيرة اسباع
من عينك الخدك مايطيحون
ملامحهم ملامح ناس ميتين
وميته اكلوبهم شتضن يخافون
تخنك اعيونهم من تخزر السيف
مثل ماصيت ابوهم خازر الكون
وديهم على اتسمه كلفات
على مو كلفه ولدك مايروحون
من بين السواتر طالعه الرؤؤس
لان حلفو ابراسك مايدنكون
مادنكو بس من اتنه مريت
الشارب مي هواك ايكابر اشلون
يشبهونك عشكهم لعب مابيه
جا ولدك عليمن من يطلعون
وجهك لون منه انكاسر الليل
ذبلت وجنته ومابدل اللون
خضر خشن ملحك فرط الكاع
غــزر بلأكبــار وبليــــــرضعون
كطره بكصص غيرك وانته نهرين
اذاً ولدك ابجالك مايعطشـــــون
