الترافة بالورد جاعلهه رب الكــون
وانت من الورد اجمل وارق واترف
من يمي امس مر الورد طاــــــبور
كاصد حضرتك ويريد يتعـــــــرف
اصطورة بجمالك انت فوك الكاع
وربك تممك وبخلقك اتكــــــــلف
من تطلع حبيبي السوك خبصة يصير
والناس الجمالك تنحني وتسطــف
نسوان وزلم واطفال وحديثــــات
يصفهنهه جمالك وانت تتخطــــف
الشارع يرتعش لو فوكة جدمك داس
وتحت جدمك اشوفة يكوم يتخسف
وحمام البالسمة ميرفلة بعداجنــاح
ويوكع عالارض لو طرف خصرك رف
طف بكربله صار وتسولف بيـــــه
الناس ومن تذكره هواي تتاسف
وعلي محد يعاين وانه من بلواك
صار ن بيه احس يهواي مية طف
عليه بلا ذنب تزعل وارضه بهاي
لان وكت الزعل شكلك يصير الطف
واعليه بغضب حين التدير العيـــن
بكل جسمي احس النشوة تتوضف
انه اشسويتلك خاطر علي تغتاض
وعن مواعدك وياي تتخلـــــــــف
اوصفني كلتلي بوصفك احتاريت
ومن حقي احيرن بيك واتوقــــف
اذا انت الورد يكصد يدور اعليك
وايجدي الندة من حظرتك لو جف
واحيانا عطر تتقرض الواحـــــات
من عندك اذا شافن عطرهن شف
ياواحة ورد والعطر بيهاا نواع
والمثلك حبيبي شلون يتوصف
كافي من الزعل مااحمل اني فراك
وبكد اشتياقي اعليك جاي اتلف
اني بوليتك طايح وعف ارجوك
وجم واحد وله كبلك يولفي وعف
عني مبتعد هاي الك صار اسبوع
جايمتـــــــه علي بالقـــرب تتلطـــــــف
محتاجك دفو موجاي احس بردان
واريد انه بدفو ذرعانك اتلفلـــف
خلينه انتحاظن خلي ازهك بيك
ومثل الخيط خليني عليك التــف
وخل زفراتنه يقلدن صوت الناي
وخل كلوبنة يقلدن صوت الدف
