يمته تعود
نشف ريج امنياتي بغيبتك صيهود
غير الماخذك ينشد ظلوعي عليك
الي وياك بكثر حسبات بالي شهود
يل زفوك مرة جا شماله الطيف؟
احس مشهد الزفة بكل حلم معيود
و اصوات الهلاهل و اليصفكن ليك
و ليلية لغرفتك هم تطب مكيود
و أشوفك من ورة البيبان عودك طاح
ما جبروك جنهم شو احس مرتاح
يل نكلات جدمك تحجي سبع وجوه
شلي بجيتك و الدرب كله عيون
ما امن فراشة بذمة العاكول
و لا امن الضحكة بشفة المجبود
يمته تعود
من اتمل هذاك ترد اليه ردود
من تثكل حمولة تسلمة للحاصود
يل مروتك سمه ما مرها طارش غيم
و شل دمع عيني من لكاله خدود
انه زارع حلم يم الفجر ما خاف
من يهود طيفك جرحي هم يهود
