نشدت الناس لو من وحدك تندل؟؟
تناسيت الدرب لوعاجبك تساًل؟
ياهو الصايحك ياماي
السنابل بالصفير تصيح للمنجل.
تيه واهسك وارجعلي صم تراب
كدر لهفتك بلكي عله غيري تلوكً
وبسهم الكًباحه اكًطع نزاع الشوكً
المن جاي تتاًمل. كًبل لا تقبل تخيل
حط لسوالفك تبرير
كًبل لاتفتخر بلسان راح يزل
كًبل لا شفتك تذبل
كًبل لا تنجفي وتنداس واتعلعل
كًبل لا تنظفر بيه … شني اليثبتلي ماتنفل
كًبل لا ابدلك بروحي…. وعليه الروح ماتقبل
كًبل لا ارسمك عله الغيم… اريد بطولك اتبلل
كًبل كلشي وكًبل ما بالدرب نمشي
اريدك نجمه تفزعلي.. من يغفه الكًمر وانخاك لاتبخل
واريد بخنكًتي من اشتاكً… اسمع لهفتك تصهل
لا تصعب أذا أصعب
من احسنك سهل أسهل
اريدك ماتحسسني.. ولا ترحمني من تزعل
مرات اشتهيك تغيب …ومرات اشتهي اتوسل
انه انسان…. بيه اللهفه والنسيان
بيه من المكًابر لون. وبيه من الحديقه الوان.
افزع ريح ع الشايل بروحه شراع.
