حمزة الحلفي
يل طول عودك گصب من نسمه وحده ايميل
آّطاك ربك شمس وآطاك ربك ليل
الشمس فوگ الوجه واليل فوگ اليل
سبحان من صورك دومك ترف سبحان
تغسل ابماي الورد والعسل والريحان
وتعصر خمر وجنتك وتخلط عليه ريحان
وتصير لذة شرب وتسودن السكران
ولك سوي فضل وغلط علي فوت
او هم گلبك تلوع هم علي فت
صدگ مرسوم ومفصَّل علي فيت
اشكثر قاسوك بس ترهم عليه
يل بيك شامة وجه مو مثل كل شامه
سمَّتك امك اسم معناه شمامه
المفروض هسه الك عشرين خدامه
ثلاثه يحلبن عسل من گطرة الشفتين
وثلاثه عليهن فقط يمشطن ارموش العين
وعشره بخدمتك حرس ايدلكن الچتفين
والباقي بس اربعه شيكفن الباقين؟
الك سوله او وطبع مو خوش سوله
تساوي الشين ونته الزين سوله
طلب من گلبي انه ارجوك سوله
على گلبك تحطه او هاي هيه
