منتظر الشرع
عرفت تعوفني من أخر لقاء وياك
يمي أنت وحجيت سوالف الفركه
وبرد ملگاك ماجنك هذاك الجان
أذا مر أسمي يمك تشتهي الملكه
جفيت وراحتي طشت بأثر ممشاك
غرگان وبقيت بحسرة الشهكه
يجيني الليل واجفل جفلة الگتال
يرجعني وأجيك بروح متعلگه
شوفي وجدمي الك يتسابگن لو جيت
وابقه بعين خايف نظرته بحرگه
دور راحتك وي غيري عيش وشوف
اليدور شمس بالظلمة مايلگه
الساتر صلف بالحرب ما مهيوب
تلگة الهيبة كلهه بشفة التفگه
غصن صرت بربيعك سيف صرت وياي
قبلت وياك أعيشن عيشت الدرگه
مشيت وياك حد الماعرفتك وين
لحد ما حيلي كلش خلصت خلگه
بابك والكلب بالوجه مسدودات
واگول وياك زحمه الجفن مااطبگه
وأبررلك مواقف وادري بيهن بيك
زغير عالعشگ لو غلط من حگه
اول حب اله ماعنده هيج وهيج
هو اختارني مو مال يستنگه
