أحمـد الذهبي
لتذكــــــرنــــي بيك ولا تـنسيني
خط احمر دمعتي ودير بالك عاد
احكمك موت دمعاً لو تبچيني
افراگك لو بحر اعبر واجيك بليل
شيعبره وجرح ما بينك وبيني
لو عـ الجرح سهله هواي مجروحين
الكتلني من اعرفت الطعنه من سچيني
ادري شرجعك وشجابك ودلاك
اكثر منك اعرف بيك تدريني
اعرفك طبع كاس شما اترسك طيب
بحلگ كلمن عطش لازم تبديني
تشربك عين هذا وعين ذاك تحوم
واني البلحلم ما شربتك عيني
سنة اجر بسنة وكلت السنين تهون
لمن ما گضن ع المامش سنيني
كلشي البيك ردتة انطيتة للباعوك
ما ضل شي بعد شتريد تطيني
عطش بية البحر ما يگدر يروي
جايب صم دمع وتريد ترويني
