حمزه الحلفي
البارحه ؟
هاجن عليه اظنوني وشوكي
وفززن بيه جرح !
البارحه لو تدري بيه شكد تعبت ويالجفن؟
بس ردت انومه ؟
ونام جفني ؟
وكلبي ظل للصبح ؟
البارحه بس عينك انته
بعيني تضحك ؟
وشكد وجهك بعيني سمح
اذكرت رجفه اشفافك ؟
رقه احساسك ؟
مستحاك ؟
أو وجهك اليمطر ضوة ؟
وردت بس الصبح يوصل
حتى اشوفن مو صبح
صبحين بعيونك سوه ؟
البارحه
غازلت كلشي اليل
ويالضلمه ويالكمر
غازلت الهوة ؟
ومدري ليش اتخيلت وجهك
جكارة بلا رماد ؟
وأنه كلبي الثلج لو جاسه انجوة ؟
البارحه اول مرة أخجل؟
جي شفت شيب أعله شعري ؟
وامنت عمري جبير ؟
ويا حسافه الراح مني وانت ماكو ؟
كون أرد اردود وبكدك اصير
