(قائـــد الفقــره)
شگد اجو..
وشگد مشوا..
محد عرف علّتي
سحگو اباب الجرح
وانثلم وجه الصبح…..
وطاحوا سهم عالجرح
بس انت لمن طحت
طحت عله جرحي دوه…
……..
يالمدري شنهي چنت
تكبر بعين الشمس
وتموت اذا ينتحر لون الشمس والضوه
….
رادوك ليل وحرب
رادوك ظلمه ودرب
بس انت ماساومت
سديت باب الجرح وأنفتح باب الضوه…..
وچانت الفقره شكثر
بگد النفط والتمر……
وچانوا هلي بلا وطن
ويحچولي عنك هلي
وجدي شكثر بيه حچي
بس چان ينطي حكم
محد رحم بالوطن
بس الزعيم وعلي…..
ويحچون عنك هلي….
قائد الفقره چنت
سعف النخل رايتك
تشبه جروح الوطن……
ترسم الدمعه خبز
وشبّعت خد الوطن گد مابچت عينه….
والنخل صفگ الك
وشط العرب فاض الك
واتحزم بطينه….
…….
قائد چنت من صدگ
لا بل علم من صدگ
للفقره عينك دار
يالمدري شنهي چنت
اول واخر علم گاعد بّيت ايجار
اول واخر علم گاعد بّيت ايجار
