احمد ابو عراق
لتجيب سهر النجم … وتقيسة وي سهري
مضروب بية المثل .. صابر واتاني الفجر
والكهوة وي صورتك….. شايل نفس غجري !!!!
وياك حيل ارخصت يلمعرفت قدري
تدريني انة جنح
فراشة وانتة لمس
يعني بعشرتك متت ضيعتة كل عمري
ولتكلي شو مختنك؟؟؟؟؟
… محتاجك انتة هوة يلما تجي بصدري !!!!
ومن جيت بية رمح …. جيت برحابة ظهر ….!!!!!؟؟؟
وحضنتك بظهري
تجرحني ما تعتذر .. وكلساع جايب عذر
بلروح لمن دست معقول ما تدري
تدريني كلبي طفل … تدريني من عشكت …
جان العشك عذري
وعرفت انة السبب . لمن عفتني ورحت
ما قابل ابفقري
وياك جان الغزل لمن سمعتة وكلت
ما ريد اسكن قصر بس كلمتك قصري
ووياك جان الغزل والناس من سمعتة …..
.كالولي شتهذري !!!!!
رديت انة بهمس والهم كلت
باعني الشريتة انة بعمري
ذمة بركبتك جرح .. منا ليوم الحشر ….
من جرحي ما مبري
