علي المحمداوي
زبد يا ملمس الوجنة من الحر
اخاف تموع من تمشي من الحر
ابن ادم صورك ربك من الحور
وذبك ياترف ورطة عليه
جمالك زاد عن يوسف وقبله
وحبك صارلي منبر وقبلة
امر اعلى الصخر انه وقبلة
لان كلبك صخر ما حن عليه
وحك الله بقضاه بسماه وارضه
بغيرك لا تظن اقتنع وارضه
عشرتي وياك مثل الخشب وارضة
تلفت عضاي من اسكنت بيه
اقوم اجلالا لحسنك واقف لك
وسجل كلبي يا خلي وقف لك
وحطك بي وقفلنة وقفلك
وطب بصدري وقفلكم سوية
حبك بالكلب حافر وناقش
وصرت نيران تحركني وناقش
اريد اكعد وياك احجي وناقش
وكلك لشوكت تقسي عليه
